سياسة الاسترجاع

1. وش اللي تشتريه

الباقة مفتاح رقمي يوصلك من سلة بعد الدفع. لما تفعّله في الموقع يتحول لرصيد في حسابك، والرصيد محتوى رقمي ينضاف لحسابك فورًا.

2. قبل تفعيل المفتاح

إذا ما فعّلت المفتاح، تقدر تطلب استرجاع المبلغ خلال 7 أيام من تاريخ الشراء.

• اطلب الاسترجاع عن طريق سلة، أو تواصل معنا في ديسكورد ومعك رقم الطلب.
• نتأكد إن المفتاح ما انفعّل ونلغيه، وبعدها يرجع المبلغ عن طريق سلة لنفس طريقة الدفع.
• مدة وصول المبلغ تعتمد على سلة وطريقة الدفع.

3. بعد تفعيل المفتاح

لما تفعّل المفتاح يصير الرصيد في حسابك، وهو محتوى رقمي استلمته، فما ينسترجع ولا يتحوّل لفلوس. الاستثناء الوحيد إذا الموقع ما قدّم لك الخدمة اللي دفعت رصيدها، وتفاصيله تحت.

4. إذا الموقع ما قدّم الخدمة

• أي مهمة تفشل يرجع رصيدها لحسابك تلقائيًا، وما تحتاج تطلب.
• في حالات قليلة تكون خدمة Tripo بدأت الشغل قبل ما تفشل المهمة، فما يرجع الرصيد تلقائيًا. تواصل معنا ونراجعها.
• لأي خلل ثاني، مثل ملف ما ينفتح أو رصيد انخصم بدون نتيجة، تواصل معنا في ديسكورد واشرح المشكلة. نراجعها، وإذا ثبت إن الخلل منّا نرجّع الرصيد لحسابك.

5. حالات ما فيها استرجاع

• تغيير رأيك بعد ما فعّلت المفتاح.
• اختلاف الشكل داخل اللعبة عن المعاينة، لأن المعاينة تقريبية.
• المزايا اللي عليها علامة «تجريبي»، لأنها موضّحة قبل الاستخدام.
• مشاكل في سيرفرك نفسه، أو تركيب ما اتبع الخطوات.
• مفتاح فعّله شخص ثاني لأنك شاركته.
• حساب انحظر لأنه خالف الشروط والأحكام.

6. التواصل

للأسئلة والطلبات، تواصل معنا في سيرفر الديسكورد حقنا.

إذا عندك حساب في الموقع فأنت عضو في سيرفرنا على ديسكورد أصلًا، وتقدر تكلّمنا هناك.